Mehri - Muhebbet Insangha Qanat ( Arman )

Share
avatar
Arman
Munber Mesuli
Munber Mesuli

Jinsi Jinsi : Male
Yeshi Yeshi : 29
Tughulghan Waqti Tughulghan Waqti : 1989-05-25
Orni Orni : گىرمانىيە
Yazma Sani Yazma Sani : 129
Shohriti Shohriti : 374
Tohpisi Tohpisi : 0
Hizmiti / Qiziqishi Hizmiti / Qiziqishi : ئۇقۇغۇچى
Tizimlatqan Waqti Tizimlatqan Waqti : 2010-02-08

Mehri - Muhebbet Insangha Qanat ( Arman )

Yollash by Arman on Sat Feb 20, 2010 10:50 am

يېغىپــلا تۇرسـا مېھــرى يـامـغــۇرى.
يۈرىگى كىمنـــىڭ ئاڭــا چىلاشماس،

ئىنسانىي سۆيگۈدە ئىنساننى سۆيسەڭ،
قايسىبىر يۈرەك ئىشىـكنى ئاچـمــاس.
سۆيگۈدۇر زىننەت سۆيـگۈدۇر سـۇبات،

مېھرى- مۇھـەبـبەت ئىنسانغا قانـات.

ئىنساننىڭ ئۆزى ئۇلـــۇغ بىر ئەســەر،

شەپقەت يەتكۈزۈش دېمەك مۇندەرجە.
قىسمەتكە تولغان پىشـــانىمــــىزدا،

ئىلاھــىي شۇئــار سۈزۈكتۇر شــۇنچە.
ئانا سۈتـىدىن باشلىـــنار قــۇتــاد،

مېھرى- مۇھەببەت ئىنــسانغا قانات.

ئانا مېھرىدىن كۆز ئاچـتۇق تــولۇق،

باراۋەرلىكتـــىن ئالەم يوپيـــورۇق.
يىتىم رىسقــىغا چاڭ سالساق ئەگەر،

بولۇپ كەتمەمدۇق دوزاققـا تۇترۇق.
تەڭ باراۋەرغۇ ئەسلــى ئادىـمزات،

مېھرى- مۇھەببەت ئىنسانغا قانات.

ئېرىــقتـا سۇنى بىـلــلە ئىچىــدۇ،

بىللە تىكىلـگەن ســۇۋادان تــىرەك.
ئەلگە بېرىمىز شۇندىــلا شەربــەت،

قاتارى تۇرسـاق ئانار دانىـسىــدەك.
ئىناقلىق بىـلەن گــۈزەل كائىنــات،

مېھرى- مۇھەببەت ئىنسانـغا قانات.

ساخاۋەت دىگەن مال- دۇنيا ئەمەس،

ئىككى كەلىـــمە تەسـەللى ســـەۋىر.
ئۆزگىــگە داننى ئۆتكۈزۈپ بېـــرىپ،

ئۆزىـــگــە تاشنى قالـــدۇرار غەلۋىر.
ھارام مال- دۇنيا ئىمانــغا داغ- دات،

مېھرى- مۇھەببەت ئىنسانغــا قانــات.

يىلغا باھـــانە كۆرســەتسەك بىـــكار،

ئۇنــتۇلۇپ كېتــەر كۆڭۈلدىــكى داغ.
ئۇنتۇلار ھەمـمە ئۇنتۇلمـاس پـەقـەت،

ساۋاب، ياخــشىلىق بىنا قىــلـغان باغ.
بىردەملىــك ئىكەن نالەيـــۇ پەريات،

مېھرى- مۇھەببــەت ئىنســانغا قانات

نەغـمە بولسىلا ئېچـــىلماس كىشـــى،
توقلۇق بولمىسا مېــھرى- شەپقەتــتىن.
تەقدىر شۇنداق دەپ ئۆتمەيدۇ دوستلار،

دىللا سۇ ئىچسۇن چىن مۇھەببـــەتتىن.
نەپرەت- شەپقەتكە تولغان بۇ ھايات،

مېھرى- مۇھەببەت ئىنسانغا قانـــات.

ئۇز تــەبىئەتنىــڭ كاجلىقى تۇتسا،

شاختىلا نابۇت بولار گۈل- چىـچەك.
مەسخىرە قىلىپ تۇرســـىمۇ دۇنيـا،

چىن دەيدۇ ھەتتا ئۆزىـنى چـۆچەك.
نادانلارغىلا ئەرمەك ياغــــاچ ئات،

مېھرى- مۇھەببەت ئىنسانغا قانات.

كۆكتە قۇشـلاردەك قىلــدۇرار پەرۋاز،

مېھرى مۇھەببەت ئىـنسانغا قانـات،
بىر كۈن ھەمراغا قىرىـق كۈن سـالام.
بۇ ئەجداتلاردىن قالغان بىر ساۋاق
.
بۇ ئەۋلاتلارغا بولسۇن بىر ســـاۋاق،

مېھرى- مۇھەببەت ئىنسانغا قانات



ئاپتۇر :مۇختەر بۇغرا

    Hazirqi waqit: Tue Oct 16, 2018 4:07 pm