ھىچنىمە يوق، يوللار قۇپقۇرۇق،
ئاياق ئىزى ئۆچكەن قارلاردا.
ئەسلىمىلار، خىياللار، چۈشلەر،
كۆپۈكسىمان يوقار تاڭلاردا.
بۇ ئاخىرقى دىئالوگ بەلكىم،
ئىككىمىزنىڭ ھاياتلىقىدا.
سەنئەتسىمان ئەمەس مۇھەببەت،
سۆيۈشلەرمۇ بەزەن بەك ئاچچىق.
تەنلەردە ھەم راھەت يوق قىلچە،
چۈنكى روھلار پاسىق بەك پاسىق.
بۇ ئاخىرقى دىئالوگ بەلكىم،
ئايان بولدى ئۆلۈممۇ ئېنىق.
ئۆكۈنمىگىن شېئىرلار ئۈچۈن،
مىسرالاردا يوقتۇر ئېچىنىش.
ئويلانمىغىن ئارتۇق ئادەمنى،
سەندە بولماس ۋىسالغا قېنىش.
بۇ ئاخىرقى دىئالوگ بەلكىم،
گۈزەل بەلكى تۈندە ۋاز كېچىش.
بۇ ئاخىرقى دىئالوگ بەلكىم،
.....قايتا كەلمەس مەڭگۈگە يېنىپ